政情：內地潮興炒隕石
炒樓、炒股唔算新鮮，內地媒體報道，近期最火爆嘅「投資」產品係隕石。據內地隕石收藏家柯作楷話，依家內地共有一百人染指同隕石有關嘅交易，全球估計都唔超過一萬人。
隕石點解有得炒？據稱，一顆來自外太空的隕石每克可值六千美元，最普通的隕石也值五百美元，遠遠高於黃金及鑽石。但全球探明嘅隕石只有約一百多噸，以最普通嘅價格計算，隕石交易全球市場的總值已高達五百億美元。
貴重物品大都有人鑑定，隕石又點呢？據講，國際上對隕石質量嘅鑑證好嚴謹，一塊隕石需獲五個國際頂級科學家一致肯定，跟住先可以向國際隕石收藏家協會申請預備號碼；又要經反覆檢測及通過才能向全球公布。