板間房居民均盼到訪

【本報訊】紫荊俠派錢濟貧，引來社會各界激賞。記者昨親身到牛頭角華僑宿舍訪問板間房居民，大部分居民均希望這位俠義女俠早日到訪，向他們捐贈食物及金錢。名叫「珍姐」的婆婆表示，若證實紫荊俠的錢非不法而來，她當然會欣然接受，並打算購買新手錶及涼鞋。另一名住客黃伯卻指未必會接受捐贈，因不清楚女俠的用意。

「好過官商淨係識捐錢為名利」

對於紫荊俠派錢，網民普遍大表支持，有網民指其精神值得一讚，「人哋月搵四萬都肯出嚟派吓一百元畀啲窮人，呢份精神係好好㗎。」有網民則藉讚賞紫荊俠，發洩對政府及富商的不滿，「起碼佢係做緊好事，幫緊人，好過啲有頭有面嘅富商高官，淨係識捐錢為名利，扮有善心！」

香港社區組織協會社區幹事施麗珊卻對其行為有保留，但她表示，若紫荊俠到籠屋派錢，街坊一定會贊成。藍天心理諮詢中心臨床心理學家鄒凱詩則表示，「可能純粹想幫人，可能想人哋記得佢，想出名，但既然佢係做緊好事，大家應該欣賞同感激佢。」