網民斥利益輸送叫孖曾落台

【本報訊】葛輝一封陳述書掀起網民鬧爆曾蔭權政府，本港各大網上討論區昨日有大批留言討論事件，大部分矛頭直指港府，斥貪官利益輸送，要求曾蔭權及財政司司長曾俊華落台，又冀立法會引用權力及特權法「沖定壺靚茶，買定花生睇戲」，甚至指眾高官「擺明身有屎」，廉政公署理應「做嘢」。

「政府已無公信力」

有網民怒斥「燈膽權」「畀人拆穿結黨營私瓜分二億公帑計劃」，指他視民怨如無物，「唔好浪費多香港人一年時間等你渾渾噩噩在過日子等退休」，應「鞠躬下台退位讓賢」，批評他「帶頭破壞香港法律/公正」。對於曾俊華，有網民斥「佢連財政預算案都可以成日轉口，點信呀」、「食屎啦，人哋又會無啦啦辭職屈×你」。

而港府以往連番施政失誤，亦令網民對政府投下不信任票，有留言坦言即使雙方都沒證據，亦寧信葛輝，因「政府平日都已經無公信力」，又有指港府「狗官」、「沒道德可言」，即使葛輝指控未必成立，亦絕不相信任何官員答辯。

不過亦有網民坦言，若高官「死口唔認」，最終可能「又係鬧劇一場……你估燒到最高嗰個」，又指「如果葛輝係有料，已經去咗ICAC，唔使喺度大隻講」。