政情：黃元山出書食住通脹熱
前i-Banker、現任中大全球政治經濟社會科學碩士課程客席講師黃元山求知欲好強，對唔同行業範疇嘅營運亦有好奇心。兩年幾前，佢出過本書叫做《槓桿漩渦》，平時到大學教書之餘，又會幫下報紙雜誌寫稿，寫作能力一啲都唔差！
近日同佢閒聊，先知佢仲進軍埋出版界，成為Enrich Professional Publishing嘅董事總經理，專門出版啲國際性嘅專業同埋學術英文書籍。雖然佢係個大忙人，但佢就爆料話近期已經開始寫緊一本關於香港同內地食物價格嘅書籍，如果寫作進度順利嘅話，相信好快就可以出版。依家全球通脹問題咁嚴重，佢寫呢個題材肯定熱爆喇！