過來人幸獲母「劈」醒

【本報記者】八九十後多機癡，阿庭亦是過來人，他十二歲便打機成狂，為拋開父母離異的不快，以及享受打機「升呢」受人崇拜的感覺，阿庭曾逃學一個月、連續三天不眠上網打機。最後他因逃學，被校方勒令休學。阿庭說母親憤怒得取出菜刀，以刀背「喊住嚟劈我」，當時他才醒覺「冇理由叫我阿媽一世養我呢個敗家仔」，才決心戒掉網癮。

升呢虛榮蓋理智

現年十九歲的阿庭，讀小六下學期時，父母婚變，令他成為磨心，壓力極大，又自覺無人欣賞，長大後「冇乜聽過阿媽稱讚」，反而網上遊戲令他有滿足感，「打得勁就有人崇拜我、攀附我」，遂開始沉迷。父母離異後阿庭與母親同住，他趁母外出工作，便留在家中打機。至中一開學，因怕未能融入新環境，更逃學打機，「除咗食飯沖涼，就係咁打係咁打係咁打……如非必要都唔去廁所」、「坐定電腦前面唔郁」，甚至扮母親致電向學校請假，更拔掉電話線拒聽學校來電查詢。

後來校方「踢爆」他逃學，阿庭母親悲憤得哭着以刀背「劈」到他心口受傷。有一次，阿庭在街市看到母親背影「好似好辛苦」，醒悟慈母愛子之心。一年後在社工協助下重返校園及讀完中五，現於日式食肆工作。