政情：蔡加讚被偷拍嫌保鏢渣

「玩具大王」蔡志明一家人尋日出席一間專門店嘅開幕活動，蔡加讚同家姐蔡加怡仲擔任剪綵嘉賓添！

近日同甄子丹姨仔汪圓圓拍拖嘅加讚，早前被本報獨家影到喺街上纏綿錫嘴，加讚對於被偷拍坦言唔習慣，「以後一定會小心啲！」對於保鏢一時疏忽，佢話：「都有話佢哋兩句，真係好渣！警覺性唔夠！」問到若果畀支槍指住又點呀？佢笑言：「真係瓜咗都唔知乜事！」而同光頭仔蜜運嘅加怡就話已帶男友見家長，家人對男友印象非常OK！尋日蔡氏一家出動，獨欠大家姐加敏，加怡話：「佢忙湊仔！」

「Money18免費即秒股票報價網站」現推出8升級功能，財經資訊，實時實發！

蔡志明（右二）同太太（左三）以及加怡（左二）加讚（右一）一齊出席開幕活動。