政情：李慧琼揭教材過剩離譜
教育局處理分拆課本同教材搞到一鑊泡，玩殘學生、家長同書商。立法會議員李慧琼近日就向深水埗四間中小學收集過剩嘅教材，一秤之下嚇親人，教材總重量達六百公斤，當中九成為紙製品，造成龐大嘅資源浪費。佢話好多教材都用唔着，唔環保之餘，又將成本轉嫁畀學生家長，無疑令生活負擔百上加斤。
原來佢每個學期都要幫囡囡買一千蚊書簿，好似數學書咁，入面有好多練習，要重用就要擦晒佢，所以好難留畀其他人再用，但有啲學科嘅使用率就好低，可以同一級幾個學生共用都得，此舉可以善用資源。身兼西九龍家長聯會主席嘅深水埗區議員鄭泳舜都有同感，話到依家仲未落實課本同教材分拆定價，令家長被迫捱貴書。
李慧琼（左）同鄭泳舜後面嗰堆過剩教材重達六百公斤。