恒生舊年九月成立咗「人民幣業務策略及計劃部」，部門除咗研究人民幣業務嘅發展外，仲專幫恒生「醫治」相關業務嘅奇難雜症。
大家都知「阿爺」嘅意願，係人民幣業務可以點樣發展嘅關鍵，一有新安排出台，商家就會絞盡腦汁，研究邊啲生意做得同唔做得，如果發現一啲可行嘅「擦邊球」，快人一步推出相關業務，自然商機無限。
部門主管顏劍文（圖）尋日話，佢舊年至由恒生中國嘅財資部調返香港，發揮佢對內地嘅認識同人脈，往後但凡有人民幣相關新法規出台以至查詢聯絡，恒生都會搵佢研究。
