SUN世代：創業路上贏得美人歸

兩年半的創業路，不但讓Vincent賺到寶貴經驗，更譜出一段浪漫戀曲。Vincent與太太Vincci的感情，就是於這段期間萌芽，兩人更於上月拉埋天窗，展開人生新一頁。

Vincent與太太是大學同學，但二人的關係卻一直停留在朋友階段。直至Vincent畢業回港自行創業，不少朋友都仗義幫忙，其中一個就是Vincci。「佢（太太）嗰陣都會畀吓意見，有時又會去舖頭幫吓手，陪吓我，就係咁造就我哋兩個嘅發展。」

即使生意已轉手，Vincent兩夫婦仍會不時到山頂舊舖，緬懷舊日拍拖光景。「我哋會去睇吓邊間舖執咗，又有邊間舖係新開，又會去食番以前成日食嘅嘢，重溫番以前係度開舖嘅日子。」

現時，Vincci懷有身孕，王氏一家將於年底迎接新生命來臨，Vincent自然是當中最着緊一位，「依家一有時間就返屋企陪太太，同埋學吓點做爸爸。」事業愛情兩得意，正是Vincent現時最合適的寫照。