內地早前公布咗對維權藝術家艾未未嘅處理後，佢好多朋友都關注事件後續發展，中式服裝店「上海灘」創辦人鄧永鏘（David）尋日為一個畫廊主持開幕活動時，就講到囡囡鄧愛嘉早前為艾未未影相一事，佢話同艾未未係好朋友，希望對方能早日獲釋。
熱心藝術嘅David又話，佢好支持艾未未，亦一直希望對方快啲重獲自由，但佢都話，對方喺內地咁招積、咁招搖，「明知故犯」，係會好易惹上麻煩。問到David會唔會喺網誌上為老友呼冤，佢就好老實咁話幫唔到對方做啲乜嘢，一定要艾未未靠自己喎。
鄧永鏘同艾未未係老友，囡囡鄧愛嘉早前仲同艾未未影過輯相。
鄧愛嘉
