SUN世代：退休做地產當消遣
一人分飾多角，少點毅力都撐不住。Kelvin可能是天生的鐵人，身兼老闆、財務顧問及慈善家，但仍然精神奕奕，度過每一天，當中的秘訣是做運動，他說：「我以前喺學校咩運動都會玩，依家做嘢身體差咗，所以我每朝七點都去健身，做兩個鐘然後返工，個人真係精神好多。我鍾意健身，因為可以預設每次要跑幾多公里，而我一定會完成先會走，切合我做人處事嘅原則！」
像他這樣每天也目標為本的生活，不少人都會說辛苦，想盡快退休歎世界。偏偏Kelvin說要退而不休，更計劃了退休後的消遣活動，就是轉行做地產，帶客人去睇樓盤……不是吧，這是退休生活嗎？Kelvin笑說：「人活到最後一刻都有生命力嘛！我唔想歎世界噃，可能做嘢、學嘢，活到老，做到老呀！帶人睇樓，識吓朋友，都唔錯！」如此看來，他大概沒法子退休！
劉家榮（左二）性格樂天，扮鬼扮馬難不倒他。