政情：劉璇轉身份榮歸長沙
劉璇尋日大清晨參加香港海洋公園嘅慈善籌款步行日，仲慘被蚊針，連塊面亦被針咗幾下。佢話因太大雨，所以冇行畢全程。
有份同行嘅一班小朋友都認得佢，仲叫佢喺電視劇《女拳》中角色嘅名。佢話：「佢哋叫我桂蘭。有好多朋友問我會唔會再拍戲，我話Ok，有傾緊，內地都有傾，應該下半年拍，要睇劇本先。近排我會放多啲時間喺唱歌方面，嚟緊會去北京、上海、成都同長沙做宣傳，好似小小歌迷會咁。長沙係我提出嘅，因為我屋企喺嗰度，我家鄉喺湖南。」
咁呢次返屋企會唔會緊張？佢話：「都會，我之前喺退役晚會演出，佢哋話好想我用另一個身份返去，所以今次有啲緊張。」
