政情：Tom Ford合照來者不拒
國際時裝大師Tom Ford為自己品牌開店展開亞洲之旅，繼北京同上海之後，終於輪到尾站香港。Tom Ford來港吸引大批時裝迷朝聖，佢逐一同來賓合照，表現友善，而有嚟撐場嘅包括名模琦琦、馬詩慧、Lisa S.、名媛潘楚穎、何超儀同Moiselle太子爺陳柏熹等。
陳柏熹透露今次嚟係希望能向對方偷師，佢話：「今次第二次見佢，覺得佢好友善，自己都係做時裝，所以專登嚟偷師，佢唔止做時裝，拍電影又得，佢見到我讚我髮型好睇，大家一齊傾吓髮型問題。」
Tom Ford就讚香港人着衫好看，現場點名讚馬詩慧同何超儀裝扮最掂，又話香港人握手好用力，令佢感受到尊重。有指佢一向唔鍾意同人用手機玩自拍，但現場見王賢誌同李桂蘭攞手機同佢自拍時，佢冇抗拒仲同嘉賓合照添。
