夏日炎炎，城市靚女爭相性感示人，尋晚Kee Club太子女龍殿兒（Mara）出席Tom Ford香港旗艦店開幕酒會時，就着咗件透視Corset襯長褲到場，一身性感打扮引嚟唔少人注目，佢話：「我都覺得性感，不過我有打底。」呢套盡顯身材嘅靚衫好蝦人着，龍殿兒都話：「係！件衫偏窄，我都有少少抖唔到氣，今日都唔敢食咁多。」
近排嘗試做模特兒嘅佢又話，已經決定唔讀大學，但就會讀啲短期課程：「我會入讀St. Martins，家人都好支持我嘅決定，覺得我仲細個可以學多啲嘢。」
龍殿兒以一襲性感褲裝亮相，成為酒會焦點。
