全城哄動嘅億元六合彩開彩了，堪輿學界嘅麥玲玲都有落注，不過，佢尋日朝早七點幾，已經喺微博上載未有中頭獎嘅彩票照片，佢仲感嘆：「相信大家和我一樣，昨晚六合彩的黃金夢已經醒了。」
夢醒之後嘅麥玲玲好快收拾心情，全力搵銀，事關佢好快要飛去內地公幹，行程仲好豐富添。據佢透露，佢首先要飛往長沙為新樓盤睇風水，跟住再搭高鐵去韶關，為當地嘅新商場進行剪綵，真正豬籠入水噃。
麥玲玲買咗幾個六合彩組合，可惜都同大部分市民一樣富貴夢醒。
