本港樓市熱爆，其中一個原因係唔少內地有錢人都嚟香港買樓，內地傳媒就報道，唔少富豪都有喺香港置業，其中騰訊旗手馬化騰除咗喺本港購有豪宅外，仲喺深圳擁有價值不菲嘅物業。
內地傳媒報道，馬化騰早在○九年已經進軍本港地產界，仲耗資近五億元買咗石澳道一間大屋，而生意基地主要喺深圳嘅馬化騰更喺當地睇咗唔少物業，包括喺深圳灣華僑城、紅樹西岸等，佢持有物業包括擁有私家湖畔碼頭嘅獨立大屋，咁多靚竇，馬化騰喺港深都住得咁舒服喇。