女友以為講笑 失控嚇親僱主

【本報訊】「你中六合彩頭獎？唔好呃我啦！」幸運阿SINGH 的印尼籍女朋友ANIK SETYORINI 前晚收到男友報喜的電話時，以為他和自己開玩笑，經再三向男友身旁的男女朋友求證無誤後，登時控制不住情緒而時哭時笑，「僱主亦被嚇親」，她更遠從將軍澳新都城僱主家中漏夜趕至北角男友住所陪伴。

對着聽筒又喊又笑

緊依着千萬富翁男友的ANIK向記者表示，前晚十時前收到男友電話時，以為他在說笑，不相信他中六合彩頭獎那麼幸運，於是致電他同住的同鄉，獲得同樣答案時，又以為各人是一起夾計來捉弄她開玩笑，最終致電同鄉的菲籍女友，終相信是事實。

「我當時真係控制唔到自己，開心到對着個聽筒高聲又喊、又笑、又叫，僱主仲以為我癲咗！」ANIK興奮地說。

結果僱主獲悉原委及詳情之後，通情達理立即給她放假，讓ANIK可以即時趕到男友位於北角寓所相會，「真係好開心，我哋成晚都瞓唔着。」

ANIK表示，從沒想過男友會成為千萬富翁，只希望將來結婚後一家人快樂地過日子，自己亦偶有買六合彩，但從未中過獎，至於是否會將婚期提早，ANIK含羞地回應說：「一切依從男友的決定。」