SUN角度：司機逼做人肉吸塵機

巴士車廂空氣質素差，每天長時間在車廂駕駛的巴士司機，首當其衝。「一坐上車，啲死氣係咁喺軚盤下面腳踏位，同埋車門攻入嚟， 開窗又有廢氣攻入，惟有焗住日日吸，都唔知幾時會有事。」駕駛巴士十多年的鄭先生坦言，車廂空氣混濁，但為份工，只好繼續當「人肉吸塵機」。

凌晨測試死氣不切實際

同樣駕駛巴士十多年的姚先生亦說：「遇上塞車，又或前面有架車頂住時，就最多廢氣湧入，搞到好焗、好難集中精神。」另一名巴士司機楊先生補充：「都驚吸入太多廢氣，所以會戴口罩，但係真係好焗，有時仲焗到想暈。」

城巴僱員協會會長凌志偉表示：「我哋司機一日成八、九個鐘都喺車廂入面，成日吸死氣好易病。」職工盟九巴員工協會外務副理事長李國華直言，車長投訴死氣入車廂情況普遍，「巴士公司通常喺凌晨先做測試，條路都無車，邊試到有死氣吖，之後就唔理。」他們均要求巴士公司盡快改善車廂通風系統，保障車長及乘客健康。