李嘉欣同許晉亨前晚為愛兒許建彤（Jayden Max）假君悅酒店舉行百日宴，嘉賓之一嘅吳君如盡興至夜晚十一點先離開，仲展示主人家嘅回禮包括一個內有Jayden照片嘅電子相架。
君如透露嘉欣嘅姐姐都帶咗囝囝「小王子」現身，指Jayden同「小王子」兩表兄弟同場，十分可愛。
君如又話：「Jayden對眼大到好似五蚊銀咁，全晚冇喊。嘉欣話佢平時五點幾都會扭計，但今晚佢好合作，上台都冇喊。佢家姐個仔都好得意，搞到我好有衝動再生，好想今晚造人，但係陳可辛今日唔喺香港！」
咁多嘉賓賀囝囝百日宴，李嘉欣同許晉亨自然高興。
吳君如展示內有Jayden照片嘅電子相架。
