SUN世代：中學兼職賺生活費靠雙手戰勝局限

Jimmy如此勤奮，全因有個不快樂的童年，「細個時真係窮到好似落難咁，唔勤力生存唔到！」原來Jimmy的父親欠下巨債，在他十四歲時撇下家人一走了之，此後他便開展靠自己的生活，中學時期已在餐廳工作，賺取生活費，否則「冇飯開」。他坦言：「以前都嬲爸爸㗎，但依家會多謝佢畀個咁嘅童年我，令我變得勤力！」　

初為人父 最想陪妻女

Jimmy把公司取名為「飛天」流動，亦與兒時的經歷有關，他解釋：「飛天嘅意思係雖然我命運唔好，但仍然可以靠努力超越上天規限。」不說不知，樣子年輕的他，已於去年初拉埋天窗，太太更為他誕下一名寶貝女。身為人父，他最希望是擁有多點與女兒相處的時間：「做嘢真係好忙，有時突然記起自己原來幾日冇抱過個囡，真係好內疚，所以依家最大願望係可以擠多啲時間陪老婆同囡囡！」