SUN世代：舖頭仔1變7勤力改變命運

「勤力可以改變命運」是伍啟超（Jimmy）的成功格言。對流動通訊業深感興趣的他，十二年前入行，憑努力由小職員擢升為最年輕的區域經理，其後更創立自己的手機王國。雖身為老闆，但事事親力親為，由搬運送貨到清潔都一手包辦，每星期做足七日，一年只放十天假，拚搏精神令公司於五年內極速擴展至七間分店。年紀輕輕便事業有成，他的秘訣很簡單：「成功有好多方法，但勤力一定唔少得！」

性格隨和率真的Jimmy，訪問甫開始就坦言，最初因家境貧困而從事飲食業，全因餐廳「包飯食」。他由快餐店做到酒店，每月收入達一萬三千元，於當時來說是很可觀的收入，但他卻毅然轉行：「做飲食工作重複又重複，千篇一律，覺得冇咩學，於是決定轉做自己好有興趣嘅手機業，因為呢行永遠有新嘢，電訊產品同技術不斷推陳出新，充滿學習機會！」

最年輕經理減薪創業

Jimmy更不介意「減薪」，以七千多元月薪投身流動通訊界，最初在一間手機零售公司任低級員工，做事勤奮的他，兩年後就獲擢升，是全公司升職最快的員工，年僅二十一歲便成為最年輕的經理，二十四歲時更升任為區域經理。但為了追尋理想，他甘願放棄高職位高收入，冒險創業：「因為嗰時已經升到咁高，冇咩發展空間，而我得廿幾歲，希望可以闖一番事業！」

創業初期非常艱辛，Jimmy動用所有資金於租舖、裝修及入貨等，其餘所有工作都親力親為，由行政到搬運、送貨、銷售、陳列貨品、甚至掃地吸塵等全部一腳踢。當時他每周工作七日，每天至少做十二小時，一年只放十天假。開業首兩年完全沒盈利，但他仍堅持拚搏，「有客要張十五蚊嘅螢幕保護貼，我都死跑爛跑搵畀佢，唔係為咗賺嗰十幾蚊，係希望幫到個客。」

為舖頭仔「爭番啖氣」

Jimmy憑努力及誠意打動客人，苦苦支撐終迎來曙光，兩年後公司開始賺錢，更於短短五年半內由一人公司擴展至七間分店。但他的滿足感並非來自盈利，而是能實現為中小型店舖爭一口氣：「大財團連鎖店永遠壟斷市場，中小型舖頭生存唔到，好唔公平！我哋唔會好似大財團咁賺錢至上，而係真心畀到人性化服務客人！希望證明到舖頭仔都有好嘢，爭番啖氣！」

Jimmy's Profile

年齡：三十歲

婚姻狀況：已婚，育有一女

現職：飛天流動有限公司執行董事