早前有傳聞話股評人Andrew黃偉康搞嘅新公司出現股東「跳船」事件，尋日同佢傾過電話，佢承認飲食界才俊王浩唔會投資佢哋間新公司，但大家依然係朋友關係，當中亦冇芥蒂。不過為免事件愈描愈黑，佢話唔想回應太多，總之新公司已改咗名，叫做靈獅控股，依家正向證監會申請相關投資牌照，相信稍後就可以開檔。
雖然Andrew有份投資靈獅控股，兼且做埋行政總裁，但佢就好謙虛咁話自己只不過係小股東，「股壇開心果」藺常念就擔任董事總經理。