戚黛黛主持攪珠被問貼士

【本報訊】亞視藝員戚黛黛今晚會擔任歷史性億元六合彩開彩攪珠節目主持，她形容心情異常緊張。剛從韓國拍旅遊節目返港的黛黛表示，原以為是星期四攪珠開彩，怎料連續八期無人中頭獎而累積了大彩池兼延後一日攪珠，更由她做主持，笑說：「一返到嚟香港，就接到好多朋友、Fans打電話問我攞六合彩貼士！」黛黛嘆說一聲：「如果有貼士我就唔使做主持啦，邊度有貼士㗎﹗」

唔敢買驚心臟病發

身為六合彩主持的黛黛並不需要申報利益，因為攪珠結果不涉及人為影響，黛黛說：「其實我雖然係做主持，但都可以買埋六合彩一份，但係我唔買，係因為擔心一邊主持節目，一邊又要留意住攪珠嘅結果就會分心啫！」至於不投注買六合彩，她形容「太過刺激啦！我成日都同啲同事講，如果報報吓六合彩攪珠結果，主持人心臟病發咁點算，嚇到啲同事死，所以冇再買。」

與黛黛輪流主持六合彩攪珠節目的蔡國威表示，昨日亦有買電腦票，希望博到一個贏錢機會：「我主持呢個節目五年幾，今次連續八期冇人中，我都要博一博，以我多年來嘅留意，都會有啲心得，電腦飛嘅命中率係高啲！」