政情：國泰新貴顧家愛遠足
國泰早前有好多人事變動，大部分已陸續履新，今次登場嘅係常務總裁朱國樑。尋日喺股東會後，好多人圍住佢問東問西，可惜佢有會開要趕住走，但佢喺《國泰天地》就講咗好多平時唔會喺公開場合講嘅嘢。
朱總裁除熱愛工作，亦好重視私人生活，閒時鍾意睇吓書、品吓酒，逢周末會陪爸爸行山遠足，有時間仲會同囝囝一齊睇波添，仲話呢樣係同囝囝嘅共同語言。睇嚟佢都幾溫情，仲係非常着重家庭嘅好男人。
佢喺國泰已任職二十六年，三月底接替咗現任CEO史樂山做董事及常務總裁，亦係繼陳南祿之後，另一個進身國泰董事同高級管理層嘅華人。佢依家身兼兩職，分別喺國泰常務董事同航空服務董事，今個月底公司會公布新一輪管理層職位調動，到時會唔會搵人分擔吓佢啲工作呢？
朱國樑（後）逢周末都會陪爸爸（右）行山遠足。