立法會議員涂謹申尋日證實，佢老婆已懷孕三個幾月，預產期係今年十一月，咁啱撞正區議會選舉，令一直考慮緊係咪出選嘅阿涂相當頭痕，到底參選好定係照顧剛出世嘅小朋友好呢？
阿涂話暫時未知係仔定女，但生仔或生女都咁開心，又話同太太搬入新居只係半年，啱啱裝修好咋，但為咗小朋友，相信都要使一筆再裝修過。
雖然就快做人爸爸，但佢似乎唔知點準備，暫時只係訂咗私家醫院產房位，就連請陪月要提早預約都唔知。問到佢太太預產期會同區議會選舉撞期，佢坦言依家又多樣嘢考慮，所以仲未知係咪參選。
涂謹申
