政情：Ana R.享受做敗犬夠自由
名模Ana R.情路坎坷。佢尋日為《小敗犬．大作戰》拍攝活動擔任評判，話知道乜嘢叫做敗犬，更承認自己係敗犬，佢話：「我知道敗犬係解作事業有成但單身嘅女人，所以我一方面好sad，但一方面又好自豪。」被問到係咪眼角太高，佢話：「其實二十五歲後揀男朋友都要睇經濟基礎，之前男朋友搵錢少過我，大家有好多問題。」
被追問係咪有公主病時，佢話：「我自己冇乜要求，淨係要求男朋友對我好，因為我之前遇過好壞嘅男人，試過打我同偷我錢，我之前都唔敢同人講。」佢話好享受依家嘅敗犬生涯，因為可以同唔同嘅男士約會，好自由喎！
同場嘅莎莎太子女陳郭詩慧就慶幸自己唔係敗犬，仲話係首次聽到「敗犬」一詞。佢話唔鍾意公主病呢個名，又話：「其實女仔都係想個男朋友當自己好似公主咁錫啫！」
Ana R.話二十五歲後揀男朋友要睇經濟基礎。