政情：恒生教管理層同80後相處
好多人都話好難同「80後」溝通，原來恒生班管理層都面對緊呢個問題。恒生商務理財業務總監左玫話，佢哋請嘅管理培訓生不單有「80後」，嚟緊畢業嗰批仲有「90後」添！而恒生企業及商業銀行業務主管陳力生接住講，話佢哋有Course教班管理層點樣同班Generation Y相處，好多時都要遷就吓佢哋嘅要求。
早前都聽到有啲公司，遇着任性兼冇責任感嘅「80後」，真係辛苦到寧願自己做番啲嘢。有啲幫人做招聘嘅公司，甚至要教啲大企業，點樣in呢班後生仔。
其實，呢啲Course可以令管理層認識吓「80後」、互相了解、學習吓點樣相處，都係一件好事，起碼唔會吓吓炒人又叫人辭職咁吖，等公司真係培訓完啲人才出嚟，可以真係留得住，唔好浪費公司資源嘛！
陳力生話正學習遷就Generation Y嘅要求。日 （資料圖片）