Sun世代：玉女律師率青年做義工

誰說成績欠佳便要告別當專業人士的夢想？衛珮璇（Winnie）自小矢志維護公義，願望是當律師，可惜會考慘遭滑鐵盧，但她沒有放棄，苦讀兩年後於高考奪佳績，成功入讀法律系。現時擔任實習律師的她，每日應付繁重工作之餘，仍創辦青年義工團體，帶領年輕人服務社會：「忙唔係藉口！我相信只有堅持付出，先可以真正貢獻社會！」

「自細爸爸就教我，生活喺呢個社會，唔可以唔知發生緊咩事。」在父親薰陶下，Winnie從小已培養閱報習慣，十分留意時事，漸感社會上有許多不平事，於是立下維護公義的志願，夢想成為律師。她亦擁有律師能言善辯的才能：「細細個已經好鍾意講道理同思考，小學時成日參加講故事、朗誦比賽，中學時拎過即席演講、國際辯論比賽冠軍，大學參加辯論校隊，之後做埋教練、評判同講talk。」

會考滑鐵盧轉科苦讀

不過，Winnie追尋夢想之路並不平坦。她皺起眉頭憶述挫敗經歷：「當時讀理科，完全唔啱自己，無論畀幾多心機溫習都讀唔好，結果會考得十三分，係全班最低分！」會考成績欠佳，令當律師夢想遙不可及。但她並無放棄，毅然轉讀適合自己的文科，苦讀兩年後，終在高考奪得兩優佳績，成功入讀城市大學法律系，憑努力圓夢。

現時Winnie擔任實習律師，工作忙得不可開交，但她仍創辦青年義工團體，親自向街坊提供免費法律諮詢及講座、主持青年創業論壇等，並帶領年輕人積極參與地區服務。

眾多義務工作中，最令Winnie難忘的，是一次探訪老人院的經歷：「嗰次係端午節，我同一班年輕人去老人院派糉，同班老人家玩同傾偈，佢哋好開心，捉實我哋隻手不停講多謝。而且我見到班年輕人學識點樣好好同老人家溝通，覺得佢哋成長咗，好有滿足感！」

堅持付出辛苦但開心

Winnie現時周一至周五都要上班，下班後仍要馬不停蹄，代表義務組織與不同團體開會，並將所有假期都投放於地區工作上。記者問她這樣忙辛苦嗎？她堅定地說：「好辛苦但好開心，因為知道自己做緊有意義嘅事！而且忙唔係藉口！好多年輕人覺得地區工作冇錢賺又辛苦，就用忙嚟推卻，如果人人都咁自私，個社會就會變得好唔健康！我相信只有堅持付出，先可以真正貢獻社會，就算幾辛苦都值得！」

Winnie Profile

婚姻狀況：已婚

學歷：城市大學法律學士

現職：李志恒律師事務所實習律師

公職：環約新動力總幹事、中區街坊福利會總幹事、中西區發展動力委員、中西區康樂體育會委員、中西區各界協會會董、第十屆中西區區節婦女活動副總監