久未露面嘅「遊艇王子」梁偉賢尋日同母親現身灣仔福臨門撐枱腳,一敍天倫。尋日中午十二點半,梁偉賢一身T恤、牛仔褲同波鞋嘅便服打扮乘座駕到達,梁偉賢隨即攙扶母親下車,仲一直挽着母親步進食肆,非常細心體貼,果然夠晒孝順。
其後,「四哥」謝賢同三個男性友人出現,四哥着住白色衫、牛仔褲加黑超,一貫型仔打扮,當佢見到食肆門口嘅記者時,即刻向旁邊嘅報紙檔八卦一番,問:「佢哋等緊咩?」之後就匆匆入內嘞!
梁偉賢(右)扶媽咪入食肆,夠晒細心體貼。
謝賢戴黑超着白色衫襯牛仔褲,幾時都咁型仔。