政情：肥仔張「瞓」身撐日本菜

富貴黨立法會飲食界代表「肥仔張」張宇人尋日晏晝現身一個日本飲食界嘅記者會，佢最後一刻先到場，只係坐喺台下，但就疲態畢露，短短一粒鐘嘅記者會，見佢坐到側晒身，久唔久就閉目養神兼打喊露「放蚊」，更加要除低眼鏡用手巾仔抹吓塊面添，喺輪到記者會尾聲佢要上台講兩句先至精神番啲，仲識搞氣氛話自己除咗食冇乜嘢幫手添！

搞乜攰成咁呀？肥仔張話啱啱去外地公幹，加埋晏晝飯食得太多日本菜搞到飯氣攻心，先至一副殘樣現身啫。

「Money18免費即秒股票報價網站」現推出8升級功能，財經資訊，實時實發！

張宇人一副殘樣出席記者會，仲猛咁放蚊。