Sun世代：住家男人：愛逛街市買餸煮幾味

閒時喜歡四處浪蕩的Horace，貴為單身貴族，在港一有時間必做的，竟不是去玩去蒲，而是到街市買餸。「喺老竇屋企煮番幾味，一家人聚首，享受吓天倫樂。」甘願當住家好男人的Horace自言：「對於家庭，其實我骨子裏好傳統。」

珍惜陪父親時間

繫上圍裙，揸起鑊鏟，蒸魚、炒菜對Horace來說可謂毫無難度，「我煮中國菜都有番兩道，仲鍾意行舊式街市揀魚，貪佢新鮮啲！」身為獨子，Horace最開心是可以煮餐好的孝敬父親，「我哋一家人一向關係都好好。」母親過身後，他更珍惜與父親相聚的時間，「只要我喺香港，點都會抽時間陪佢。」

說起父親，Horace臉上即流露幾分敬意，更說父親亦有創作基因：「我老竇當年喺大學修讀語文，來港之後做銀行，但佢竟然識鋸木整傢俬。細個屋企啲書枱、衣櫃同床都係佢自己整，手工唔錯㗎，張床仲有櫃桶添！」