傅明憲同名媛葉梁美蘭曾經係Ball場好姊妹,但有傳近年兩人關係生變。
傅明憲尋日出席一個公開活動,對於葉梁美蘭暗示女兒同老公被人牽連,女兒更被連累致未能加入高爾夫球會,傅明憲話:「好多嘢都唔明,可能我係平凡人,唔明白一個細路女入唔到高爾夫球會,會係一件好慘嘅事,而值得去嬲咁多人。」追問有冇同對方聯絡時,佢話:「冇,好少見到,我時運比較高。」另外,佢透露閒時會同狗仔影相,曾試過同愛犬「比目魚」去影樓,影咗過百張相,不過只有一張滿意。
傅明憲透露試過同愛犬去影樓影相。