政情：靚蝦王赴新西蘭養老
唔經唔覺一代馬王「靚蝦王」已經十五歲喇，即係等於人類嘅五、六十歲，雖然馬主劉錫康好唔捨得，但都決定送暱稱「蝦仔」嘅愛駒去新西蘭嘅牧場養老。
劉錫康話當正蝦仔係自己仔女，但知道唔可以咁自私，係時候畀蝦仔去一個更大嘅地方生活、拍拖、結婚同組織新家庭。蝦仔九月就會離開香港，劉錫康話一家人呢幾個月會多啲去探蝦仔，到蝦仔喺新西蘭安頓好，仲諗住飛去當地牧場探佢添！
佢話最難忘係十一年前蝦仔代表香港贏得日本安田紀念賽，啟發佢只要有蝦仔咁強嘅鬥心同適應力，凡事都有可能，再難嘅難關都可以過。
