政情:鄺美雲瞓身推廣佛誕

本港佛誕氣氛愈嚟愈濃,一向誠心向佛嘅鄺美雲(Cally)尋日出席「巧智慧心」佛誕嘉年華2011,不但全情投入,仲為咗今次活動,專誠設計咗環保袋同原子筆,以答謝嚟幫忙嘅義工、嘉賓等。雖然天氣好熱,但一身T恤嘅Cally卻一啲都唔介意,仲話愛犬會一齊參加添。

Cally九點半已經到達會場,到咗下晝三點,大會已錄得十萬人入場,問到佢愛犬Cash同Euro會唔會出席,佢話:「佢哋嚟緊,遲啲先到。(因為天氣太熱?)天氣熱都總好過落雨,天氣好,心情都好!」

鄺美雲無懼炎熱天氣參加佛誕活動。