政情：利子厚撐星洲競爭力強

馬場尋日舉行「香港傷健策騎協會盃賽」，為協會籌得過百萬元善款，唔少城中名士都專登入去捧場，其中梗係唔少得身兼傷健策騎協會嘅體育委員會主席嘅馬會大董利子厚啦。

利子厚係愛馬之人，好多人都睇過佢嘅策騎英姿，尋日佢撐場之餘，也透露早排去過新加坡。近日有關香港競爭力嘅討論再起，利子厚都話，新加坡競爭力強，同香港拍住，香港偶一不慎，就會畀佢拋離。言下之意，就係香港要小心謹慎，唔好咁懶懶閒。

講完港星競爭力之後，利子厚都關注近期金融市場嘅變化，話政府同市民都應該留意息口上升，擔心一旦息口趨勢逆轉，唔係人人都趕得及轉身。

利子厚話香港偶一不慎，就會畀星洲拋離。