SUN世代：為食牛津碩士飛去法國吃大餐

甚麼能令一位牛津碩士畢業生毅然放棄高薪厚職？原來是一個「食」字！馮仕耕（Fergus Fung）從小已極度饞嘴，童年時代試過一口氣吃掉六隻大閘蟹，長大後曾專程遠赴法國品嘗一頓六小時的午餐。為了全力追尋美食，他更不惜辭去投資銀行要職，創辦本港飲食指南，分享這美食天堂的佳餚，食評書推出後一直雄踞暢銷書榜，更曾榮登榜首！

用「為食」來形容Fergus實在貼切不過。他自小已視食為頭號興趣，童年時就曾一次過鯨吞六隻大閘蟹！在香港長大的他，中學時負笈英國，在寄宿學校「冇啖好食」，更激發他對美食的渴求：「學校飯堂啲嘢真係好難食！廚師成日幫啲食物改好多花巧名，但其實來來去去都係嗰幾樣嘢！」

大學時期，Fergus開始走遍各地，到處尋找美食，更曾為了一嘗豐富午餐，專程由香港飛到法國！他笑着分享那次誇張經歷：「法國有間好出名嘅餐廳，好難訂到位。嗰日我朋友打嚟話訂到枱，我見機會難逢，於是即刻飛過去，個餐由中午十二點食到傍晚六點，食咗差唔多三十道菜，真係好難忘！」

食盡佳餚美饌的Fergus，久而久之成為圈子中的「飲食顧問」，朋友常常要他推薦好餐廳，他漸感應接不暇，又眼見當時香港仍未有食評書，於是萌生創辦本港飲食指南的大計，更為此毅然辭去在投資銀行任職五載的工作，全力追尋美食夢。

創辦飲食指南《WOM Guide》

二○○五年，Fergus與同樣熱愛美食的友人創辦了《WOM Guide》，他解釋：「WOM即係Word of Mouth（口碑），係綜合千幾個平民顧客對香港千幾間食肆嘅評分，唔同米芝蓮，佢哋係由職業評審製作，我哋就係將大眾嘅飲食意見輯錄成書，內容比較真實，同埋唔會有商業贊助成分。」

食物不一定貴就美味。Fergus的飲食指南中，不乏雲吞麵、煲仔飯、茶餐廳、大牌檔等平價食物的推薦，而他本人亦貫徹這個信念。猜猜這位食家最愛的食物是甚麼？不是珍饈百味，而是最平凡的雞蛋！他笑言：「烚蛋、煎蛋、炒蛋、蒸蛋……總之有蛋嘅餸菜我都鍾意！」現時Fergus的飲食指南已是第七年印行，比米芝蓮香港篇年資還長三年。在推出後大受港人歡迎，長踞書店的暢銷書榜，更曾榮登榜首！但輝煌成績並不是Fergus的快樂來源：「最開心係可以將自己嘅興趣作為事業，仲可以將自己鍾意嘅嘢分享出去！」

Fergus'sProfile

年　　齡：三十六歲

婚姻狀況：已婚，育有一子一女。

學　　歷：牛津大學文學碩士

現　　職：飲食指南《WOM Guide》創辦人、南區（海灣）區議員、拍賣行紅酒顧問