政情：琦琦澳洲遊獲好友全包
女喺早前嘅復活節假期，名模琦琦同現年六歲嘅囡囡Ella任晴佳去澳洲享受咗一個親子假期，可惜任達華忙於趕戲而未能同行，琦琦話：「今次我去澳洲探以前做模特兒嘅好友，佢住喺黃金海岸，佢有個女咁啱又係叫Ella，同樣六歲，我哋住喺佢屋企，兩個Ella有伴一齊玩，我就輕鬆好多。」
八日嘅行程動靜皆宜，Ella仲首次嘗試滑浪，之後又去動物園同蛇、老鷹、鴕鳥合照，Ella難得全無懼色。琦琦話囡囡性格喜愛大自然，呢方面同華仔好相似，佢話：「華仔睇番Ella滑浪啲相，都話Ella好叻女，反而我媽咪就同我訓話，因為佢擔心外孫女安全。」
舊年復活節佢邀請好友一家去上海玩，包玩包食，今趟佢同囡囡嘅澳洲之旅就由好友全包。
琦琦喺澳洲享受咗個親子假期，囡囡Ella仲嘗試滑浪添！