大成街街市爆渠菜檔鋪「金」

【本報訊】黃大仙大成街街巿又爆屎渠！昨晨九時許，街巿地下菜欄一條離地三米高污水膠管，突然爆裂，污水穢物灑落，並淋落兩個檔口上的蔬菜，現場兩邊共六個檔位均由姓何東主租用賣菜，其職工赫見污水源源灑下，臭氣熏天，立刻開傘及用尼龍膠布遮蓋，避免全部貨物鋪上「黃金」，極為狼狽。

「已經唔係第一次爆」

食環署人員將現場封閉，召工人修渠。姓何東主大為不滿，怒斥：「呢個街巿已經唔係第一次爆屎渠，爆完又爆。」事件令他損失十五萬元，將追究責任及要求賠償。附近一個繼續營業菜檔的職工梁太表示：「上次爆渠唔係呢個位，同埋冇爆得今次咁勁！」她指事件對其菜檔的生意亦有影響，「咁臭，都冇人敢行埋嚟買嘢啦。」

食環署發言人表示，當知悉排污渠爆裂後，街巿承辦商人員隨即跟進，發現數個檔戶受影響，並即時聯絡有關部門進行緊急維修，於下午三時完成。該署會聯同有關部門檢查該街巿排污渠運作情況。