Sun角度：陳學殷媽媽：家門永遠為你開

「我想話畀學殷知，家人係最重要嘅後盾，會喺背後支持佢，就算佢犯咗錯，都唔會離棄佢。」子女是母親心頭一塊肉，即使被全世界唾棄，母親也絕不捨棄。勒索富商罪成，判囚十五個月的前香港划艇代表隊女選手陳學殷，在明日的母親節，將在獄中度過。陳母接受本報專訪時，直言心痛女兒行差踏錯，自責做得不夠好，但希望女兒知道，家門永遠為她開啟，又懇請外界給予機會，讓女兒重新站起來。

短短一年間，陳母經歷了為人母親最痛的打擊，眼看女兒鋃鐺入獄，孫兒又失去母親照顧，她日夜盼望的，就是今年九月學殷刑滿出獄，一家團聚。不過，學殷將來的路要怎樣走，卻叫陳母憂心忡忡：「呢件事好多人記得，要好大勇氣面對，好擔心佢融入唔到社會。」

學殷兒子的話：婆婆，點解老師喺學校可以打電話畀婆婆，點解我唔可以打畀媽咪？

學殷的兒子已經四歲半，常似懂非懂地問「媽咪去咗邊？」陳母說：「我話媽咪去咗讀書，九月先返屋企。」可是孫兒一句話，又令陳母心酸，「佢話，婆婆，點解老師喺學校可以打電話畀婆婆，點解我唔可以打畀媽咪？」說到這裏，陳母忍不住抽泣：「我好心噏，惟有呃住佢，話學校唔畀，媽咪好快就返。」

陳母續說，有時孫兒會「扭計」，以為媽咪不理他，晦氣地說：「我以後都唔錫媽咪喇。」但只消陳母謂：「媽咪好快返嚟，到時會攬住BB，咁你仲嬲唔嬲媽咪？」孫兒便會笑逐顏開。「個孫愈聰明、愈懂事，我就愈內疚，始終小朋友成長，需要父母喺身邊一齊經歷，錯過咗就係錯過咗。」

從小到大，孝順的學殷都會在節日親手製作賀卡或禮物送給父母，去年母親節，她便設計了一條頸鏈送給陳母，但到父親節，學殷已被羈押，無法為患糖尿病的陳父慶祝。學殷自責、內疚，自覺無面見父親，後陳父主動到獄中探望，那一刻，學殷崩潰了，「佢喊得好緊要，話自己對唔住爸爸，其實我哋知個女有心，父母點會嫌棄佢？最重要以後一家人齊齊整整。」

學殷媽媽的話：子女人生經驗不足，冇父母提點，好容易受引誘、行差踏錯。

陳母哽咽說，學殷太單純，太易相信別人，又自責身為父母也有責任。「我哋將最好嘅畀個女，盡量以身作則，一切以為做得好好。學殷結婚當日，我做咗一本相冊送畀佢，同佢講，呢個係你人生前半部，亦係父母嘅成績表，結婚後，就由你去建立自己嘅成績表。但原來咁係唔足夠，子女人生經驗不足，冇父母提點，好容易受引誘、行差踏錯。」

「件事變成咁，係因為佢唔想父母擔心，如果佢一早講出嚟，我哋一定唔會畀佢咁做！佢係做錯咗，要承擔後果，但無論點都好，希望佢堅強，父母永遠唔會離棄佢！」欣慰的是，母女倆在這段時間能夠敞開心扉，道盡過去不曾說出口的心底話。身為虔誠基督徒的陳母亦不忘感恩，表示將來會勸學殷受洗。

說到學殷的丈夫，陳母卻有點冷淡：「佢話會等學殷出嚟重新開始，但發生呢件事，佢都有好大責任，我哋會繼續觀察佢嘅表現。」

後記：一首歌道出母愛

訪問後，陳母親筆寫了一封信給記者，信末以曾路德、鄭丹瑞合唱的《給最愛女兒的說話》作結，道出了母親對女兒的愛是永不改變：「緊握緊握的一雙小手，教我有着太多感受，你現在或是不解這一番心意，留在你童年以後。」