女人都鍾意珠寶，模特姊妹花汪詩詩同汪圓圓更加唔少得，因為佢哋父母從事珠寶生意，曾經自己設計過珠寶。
汪圓圓同男友蔡加讚正蜜運中，問到男友有冇送首飾畀佢？圓圓甜笑：「都有，係頸鏈！（咩節日送？）係我哋兩個人嘅節日，不過因為我做model成日要着唔同嘅衫同首飾，所以唔方便成日戴住條頸鏈，都覺得有啲可惜。」
咁加讚有冇送戒指呢？一邊嘅詩詩即時插嘴說：「戒指唔可以亂收o架！」而詩詩亦自爆老公甄子丹不時送首飾，不過最有紀念價值仲係結婚戒指。
詩詩（右）同圓圓一講珠寶就好開心。
