政情：高達捐血22次快攞獎

立法會大樓尋日又有捐血活動，由於搬屋大計可能今年舉行，呢次活動應該係現址嘅最後一次，好多議員都專程嚟捧場，全日八小時，共有六十六人嚟捐血，議員就只得四個，因為有啲議員唔符合捐血條件。

尋日捐血嘅議員有白鴿黨「高達」李永達、工聯會王國興及進出口界議員黃定光同獨立議員鄭家富。高達話，今次已經係佢第廿二次捐血，佢笑笑話，捐夠廿五次就有得去周年捐血頒獎禮領獎，所以嚟緊一年會捐密啲，拿拿聲攞番個紀念章，認真得戚。

「Money18免費即秒股票報價網站」現推出8升級功能，財經資訊，實時實發！

李永達捐夠廿五次就可以攞番個紀念獎章。