政情：子淇愛心袋義賣助愛滋童
千億新抱徐子淇佗住李家慈姑椗，近期已經好少出席公開活動，不過，子淇一如既往做善事，人不到物都要到，由佢任親善大使的智行基金會，早前邀請了十一位知名人士包括徐子淇、著名時裝設計師何國鉦、張潔雯、王馨平及陳奐仁等設計以白帆布為素材嘅「愛心袋」作慈善拍賣，全數用於幫助內地華中地區受愛滋病影響兒童的經費及行政費。
子淇設計咗一款七彩拉鏈作素材嘅「愛心袋」，呢款袋夠晒大，睇落好實用。張潔雯就話自己設計嗰款「愛心袋」嘅概念，係母親為子女親手做袋的意思，呢批袋將會以每個底價三千三百元拍賣籌款。
張潔雯話，設計愛心袋嘅概念來自母親為子女親手做袋。
圖為徐子淇設計的七彩拉鏈愛心袋。