Sun世代：放題始祖完美致勝

廣告與飲食看似毫不相關，但陳家輝（Ray）卻能巧妙地將廣告設計「追求完美」的概念融入餐廳之中，創下飲食界經典。曾任職4A廣告公司逾十載的他，為了挑戰自己，毅然放棄高薪厚職，轉戰飲食業，早於十年前引入日式放題，成為本港先河，更憑着嚴謹認真的態度，打破港人對放題的偏見：「好多人覺得任飲任食，水準一定唔會好，我想證明只要有要求，放題嘅食物同服務同樣可以有好高質素！」

Ray於八十年代投身廣告界，在4A廣告公司工作超過十年，曾參與無數大品牌的廣告設計。因緣際會，他負責欣樂飲食集團的廣告設計工作，展露力臻完美的個性，獲主席邀請合作。勇於接受新挑戰的他，辭去高薪厚職轉戰商場，深信廣告界的理念可套入飲食業：「我希望將廣告設計追求完美嗰種執着，搬去餐廳度！」

Ray經常到日本旅行，獨具慧眼的他，早約十年前已首度引入放題（日本料理自助餐），堪稱本港放題始祖。他更矢志打破港人對任飲任食的一貫偏見：「好多人都覺得放題嘅食物一定好普通，選擇又少，亦唔會奢望侍應有好態度，因為佢哋通常好忙，做到好煩躁，對客人冇禮貌。我想證明，只要有要求，放題嘅食物同服務都可以有好高質素！」

成功秘訣：唔怕蝕底

自言是「完美主義者」的Ray，事事要求極高，從餐廳擺設細節至食物質素均一絲不苟，甚至微細如一張桌紙，他亦要求做到最好。為確保高水準服務，他每天至少工作十二小時，在辦公室處理行政事務後，就會馬不停蹄巡視集團旗下的郎田及松屋分店，親自監察餐廳質素。

除有一套獨有管理心得，Ray更視員工為公司的靈魂，因此一直以心對待員工：「同事做得唔好或者做錯事，我唔會放棄佢，反而會拎個心出嚟同佢傾偈，了解佢嘅問題。公司嘅同事多數比較年輕，有時要早返或者遲走少少都好唔願意，我會分享以前自己做廣告嘅經歷，有時做嘢兩三日都冇得返屋企！工作最緊要係唔好怕蝕底，爭取學習機會，咁先會成功！」

在Ray的管理下，集團由他加入時的兩間分店，大幅擴展至現時有十間分店，更屢獲飲食大獎。最令他感到滿足，是成功扭轉港人對放題的觀念：「我哋對品質嘅堅持，慢慢令客人改觀，再建立口碑，真係好開心、好有滿足感，證明自己一直嘅付出係值得！」

Ray's Profile

婚姻狀況：已婚

現職：欣樂飲食集團董事