復活節假期結束，好多學生哥又重返校園，唔少更係一返學就進入考試期。賭王何鴻燊千金何超盈尋日就喺微博上表示，近日為應付考試而搏命溫書，搞到變熊貓眼。
超盈仲好鬼馬咁喺微博上載一張素顏照，相中所見，佢特別影低兩個大大嘅黑眼圈，話為咗應付考試而捱通宵最後衝刺，仲自我加油一番︰「溫書也看到日出了！我不是書蟲但也要最後努力吧！9︰30 exam！加油！熊貓眼也是值得的。」唔知賭王同四太梁安琪睇到超盈捱通宵溫書，會心痛定係歡喜呢？
超盈喺微博上載素顏照，展示一雙捱過通宵嘅熊貓眼。
