蔡楓華打斜過馬路捱車撞

【本報訊】再戰樂壇的八十年代歌手蔡楓華，昨午在尖沙咀「手fing fing」橫過馬路時，被駛至的四驅車倒後鏡撞傷手部，致神經痛直達頭頸，蔡送院後無礙。他表示，因肌肉勞損需停工休養，豈料又遇車禍「好黑仔」。肇事四驅車司機形容蔡被碰撞時，大動作向前仆倒，幸好他僅受輕傷。

昨午一時許，五十歲的蔡楓華戴「黑超」及鴨舌帽，在樂道一間書局睇書及買文具後，獲店員告知附近有名牌手袋店，遂按指示前往擬購買手袋。他表示，橫過馬路前已發覺遠處有四驅車駛來，他估計「冇咁快駛到」，於是背着四驅車「打斜」橫過馬路，豈料，四驅車迅速駛近，右邊倒後鏡撞及蔡的左手肘。

姓方司機（四十一歲）見蔡仆前，於是立刻落車詢問其情況。方表示，雖然蔡頭戴鴨舌帽及太陽眼鏡，但依然認出他，獲悉蔡的左手受傷後即致電報警，由救護車將他送院治療，蔡抵院時發現有記者採訪，除揮手打招呼外，還用手按着左肩入院。

輕傷出院續買名牌袋

蔡在醫院接受訪問時指僅左手受傷，惟導致神經痛，痛楚影響左肩及頭頸，但稱「無乜特別事，只係入急症室睇吓」，治療後無礙出院，只需服食消炎藥。蔡楓華透露，早前開演唱會後，發現左腳肌肉勞損要治療。

蔡楓華聲稱會保留追究權利，並視乎情況才決定會否睇私家醫生，又謂「娛樂嘅嘢唔答，唔想炒作新聞」。他取藥後繼續購物行程，乘搭的士重返尖沙咀買「心頭好」。蔡楓華八十年代紅遍樂壇，以《倩影》、《絕對空虛》、《何必曾相識》等歌最為人熟悉。長時間無踏足樂壇的他於今年三月再戰樂壇，連開三場個唱。