政情：City Parade：美的真諦
十六年，可以做乜？春去秋來，十六年光陰，換來前港姐周美鳳事業屢創高峰。早前佢開Party慶祝公關公司成立十六周年，城中明星、名人紛到賀。周美鳳帶頭做善事，將Party所獲嘅現金賀禮，悉數捐畀香港紅十字會，用作日本地震救災及重建之用。那邊廂，高級男裝品牌詩閣Ascot Chang趁換季舉行時裝騷，星級客仔爭住捧場，型男藝人任達華穿上貼身剪裁恤衫「行貓步」，展示Fit爆身段。
趙雅芝 甜蜜典範
藝人趙雅芝（右）同老公黃錦燊甜蜜蜜，數圈中模範夫妻，當之無愧。
王敏德 默契贏晒
王敏德（左）同太太馬詩慧齊插褲袋擺甫士，默契盡在不言中。
榮雪梅 簡樸生活
名媛榮雪梅收起性感，佢話信主後學會簡樸生活，唔再亂買衫。
戴凱欣 忙得起勁
四洲集團太子女戴凱欣忙於打理SPA店生意，愈忙愈精神。
周美鳳 四美同慶
周美鳳（右二）事業再創高峰，名模好友周汶錡（左一）、黃佩霞（左二）及童愛玲（右一）齊齊戥佢高興。
莫華倫太太 魅力逼人
著名男高音莫華倫太太莫邱文伶穿上小deep V裙，散發女人味。
張宗琪 一呼百應
Ascot Chang已故創辦人張子斌兒子張宗琪（右二）搞騷，好友梅應春夫婦（左一、二）及廠商會副會長施榮懷（右一）齊到賀。
Mandy Lieu 輕鬆突圍
Ascot Chang係男裝天下，但名模Mandy Lieu不甘示弱，以S身段突圍而出。
任達華 自信型男
着起型格恤衫，任達華自信十足。