法國女星蘇菲瑪素係氣質女星，早前佢特登飛港並出席CHAUMET嘅酒會，當晚佢身穿一襲露肩晚裝，性感可人。由於活動地點同佢下榻嘅酒店毗鄰，蘇菲瑪素好利落咁直接由酒店步行去會場，艷光閃爆街頭。
不拘小節嘅佢步行途中有工作人員護駕，佢亦話到明唔接受訪問。抵達會場後，佢就同品牌負責人參觀古董時計。名媛李桂蘭偕同兒子戴尚安及女友一齊現身，自言係fans嘅李桂蘭表示五年前已同過蘇菲瑪素合照，晚宴中，佢再次同偶像見面，合照又點少得呢？
身穿性感晚服嘅蘇菲瑪素喺街頭步行時神情自若。
