政情：孫公今年仲有三難關

金政府高官今年特別多事幹，年初已被術數師楊子東批中兔年健康不佳嘅教育局局長孫明揚又因腎衰竭，需定期「洗肚」，問到楊師傅孫公嘅運勢，佢話今年內孫公仲有三個難關要過。

楊師傅年初幫班高官批算兔年立春八字時，已算出屬猴嘅教育局局長孫明揚運氣最差，尋日楊師傅再深入推算，假設孫公嘅出生八字中嘅年、月、日三柱，即一九四四年四月七號呢個出生日期冇錯嘅話，年初嘅批算已有六至七成準確，假如有埋第四柱出生時辰嘅話，準確度會有八成。楊師傅金金話有兩個出生時辰對佢最不利，包括丙戌時（晚上七點至九點）同丁亥時（晚上九點至十一點），當中以丙戌時最凶險。

楊師傅話：「如果佢（孫公）係丙戌時出生，今年農曆五、六月將會係一個難關，會好難捱，即使捱過，到戊戌九月形勢會更加險峻；但如果佢係丁亥時出生，咁就可以大步檻過嘞，到二○一八年再算過。」