政情：Ana R.望Lady GaGa慎言行
尋日Ana R.出席apm「創意高跟鞋藝術展」，即場展示美國天后Lady GaGa着過嘅雙面高跟鞋。佢大讚鞋嘅設計好有趣，又大讚Lady GaGa大膽創新，畀咗樂壇新鮮嘅空氣。之不過，佢認為Lady GaGa有時比較極端，應該多啲留意自己嘅形象同言行，因為佢係fans模仿嘅對象。
另外，佢又透露將返美國探親，要見見七、八個月大嘅巨B姪仔。咁希唔希望生B？佢笑言：「我想生五個。不過要先搵到男人先！」再追問會唔會考慮搵人捐精？佢話畀多三年時間自己，如果唔得都會考慮。至於搵咩種族嘅人，佢就話冇所謂，最重要係個BB健康、聰明，同埋高。佢亦曾考慮到韓國或中國領養小孩，但由於自己係單身人士，申請領養嘅程序應該很繁複喎！
Ana R.話希望第時生五個ＢＢ。