政情：搞搞政：何君堯避談競選去向
早前鄉事委會改選中，新界鄉議局主席劉皇發喪失競逐連任屯門鄉事會主席資格，同時失去屯門區議會當然議員及區議會主席席位，香港律師會副會長何君堯喺件事當中扮演好重要嘅角色。
有說佢有意問鼎鄉議局主席一職，而佢早前亦透露有意競逐律師會會長，但佢尋日公布《香港律師事務所在珠三角洲地區業務發展》研究報告前，被記者問及未來嘅競選去向，佢竟然封嘴，仲話：「今日唔講選舉嘅嘢。」
佢喺公布份研究報告時話，依家香港人如果想喺內地做律師，必須要通過內地司法考試，但呢個考試合格率嚴重偏低，到依家為止都只有六十六個人過到關，當中喺香港擔任律師嘅只有十五個，可謂相當罕有，而律師會今次公布呢份報告，當然就係希望爭取放寬門檻，提高合格率，等多啲香港律師可以入去內地工作啦。
設計圖片